Орусияда 32 аялды өлтүргөндүгүн моюнуна алган маньяк кылмыштары тууралуу айтып берген видео тарады

Орусияда адам өлтүрүүгө шектелип, изделип жаткан маньяк Казань шаарынан кармалып, ал 32 аялды өлтүргөндүгүн моюнуна алды. Бул тууралуу орусиялык басылмалар жазып чыгышты.

Жазылган маалыматка ылайык, кармалган адам 38 жашта. Тергөө иши анын жасаган кылмыш ишинде каза болгон 32 аял бар деп эсептейт. Шектүү алгачкы көрсөтмөсүндө кылмыштарды Орусиянын ар кайсы аймагында жасаганын жана өлтүргөн аялдардын басымдуу бөлүгү улгайган аялдар экендигин айтып берген видеосу интернетке тараган.

"Маньяк өзүн "желдетүүчү түтүктөрдү тазалоочу жооптуу кызматкермин" деп тааныштыруу менен, жарандардын үйүнө барып жүргөн. Ал аялдардын бардыгын муунтуп өлтүргөн. Биринчи кылмышты 2010 же 2011-жылы жасагандыгын айткан. Полиция кызматкерлери аны түн ичинде досунун батиринен кармашкан. Жасалган экспертизанын жыйынтыгына ылайык, кылмыш болгон жерлерде калган издер кармалган маньякка таандык болгону такталган", - деп айтылат маалыматта.