Күрөш боюнча Дүйнө Кубогу: Кыргыз өлкөсүнүн атынан эркин күрөш боюнча кимдер катышат? (тизме)

12-декабрдан 18-декабрга чейин Сербиянын борбору Белград шаарында өтө турган күрөш боюнча Дүйнө Кубогуна Кыргыз өлкөсүнүн атынан эркин күрөш боюнча 6 балбан катышат. Бул тууралуу Жаштар иштери, дене тарбия жана спорт боюнча мамлекеттик агенттигинен билдиришти.

Эркин күрөш боюнча катышчу балбандардын тизмеси:

1. Бекболот Мырзаназар уулу салмактык категориясы – 57 кг;
2. Улукбек Жолдошбеков – 61 кг;
3. Эрназар Акматалиев – 65 кг;
4. Ислам Орозбеков – 70 кг;
5. Саякбай Усупов – 74 кг;
6. Арсалан Будажапов – 79 кг;
7. Таабалды уулу Сүймөнкул – ага машыктыруучу;
8. Руслан Мажинов – башкы машыктыруучу.

Спортчулардын Дүйнө Кубогуна катышуусу Спорттун олимпиадалык түрлөрү боюнча дирекциясы тарабынан каржыланган.