БШК: "Шайлоо күнүнө карата 5 миң 700 автоматтык эсептөөчү урна даярдалды"

Президенттик шайлоого карата автоматтык эсептөөчү урна даярдалды. Бул тууралуу бүгүн, 3-декабрда БШК төрайымынын орун басары Абдыжапар Бекматов БШКнын маалымат жыйынында билдирди.

"Шайлоого даярдык боюнча айта кетсем, техникалык мүмкүнчүлүктөрүбүз бар. Себеби, 5 миң 700 автоматтык эсептөөчү урна жана тиешелүү идентификациялык каражаттар даярдалды. Чет жакта жана өлкө ичинде жалпы 2 миң 500гө жакын шайлоо участкалары түзүлдү. Ар бир шайлоо тилкесинде 2ден автоматтык эсептөөчү урна коюлушу керек. Мындан тышкары 800гө жакын автоматтык эсептөөчү урна резервде турат. Чоң райондорго орто эсеп менен 25-30га чейин, андан кичирээк райондорго 8ден 14кө чейин автоматтык эсептөөчү урна берилет", - дейт Бекматов.

Президенттик шайлоо 2021-жылдын 10-январына белгиленген.