Нарын облустук музыкалык драма театры жаңы сезонун ачты

М.Рыскулов атындагы Нарын облустук музыкалык драма театры жаңы сезонун ачты. Алгачкы чыгарманын тартууланышы 1-октябрь - Эл аралык карылар күнүнө дал келгендиктен, улгайган адамдын баяны, насааты чагылдырылган Кыргыз Эл жазуучусу Зуура Сооронбаеванын "Баян" драмасы тартууланат. Октябрь айынын ичинде көрүүчүлөргө орус драматургдары Т.Якубдун "Селим жана Ханыша", М.Булгаковдун "Кем акыл Журден", А.Кускаковдун "Доор аяны", К.Зарлыкованын "Сүйүү арманы", А.Чекировдун "Кызыл профессор" чыгармалары көрсөтүлмөкчү.