ЭЛДИК КАБАР: "Базарда чоң апанын 2 эле жумуртка сатып алганга акчасы жетти". Жарандык активист Артём Новиковго кайрылды

Бишкекте жумурткага болгон баа үч эсе кымбаттап кеткендиктен, бир чоң апанын базардан 2 эле жумуртка сатып алганга акчасы жеткенине күбө болдум. Мындай постту социалдык тармакка Назира Мукамбетова аттуу жарандык активист жарыялады.

Өз билдирүүсүндө ал премьер-министрдин милдетин аткаруучу, биринчи премьер-министр Артём Новиковго кайрылган.

"Бүгүн Аламедин-1 кичирайонундагы "Чынар" базарынан бир чоң апа эки эле даана жумуртка сатып алып жатканын көрдүм. Анткени жумурткалар кымбаттап кетти. Премьер-министрдин милдетин аткаруучу, биринчи премьер-министр Артём Новиковго Бишкек боюнча баалары эң кымбат болгон Аламедин-1 кичирайонундагы "Чынар" базарын текшерүүсүн суранам. Пенсионерлердин алган акчасы аз эле экенин унутпагыла. Мындан тышкары аз камсыз болгон жана көп балалуу үй бүлөлөр бар. Эмне себептен жумуртка менен өсүмдүк майлары үч эсе кымбаттап кетти?" , - деген оюн жазган активист.

Биз бул боюнча Назира Мукамбетовага байланышканыбызда аталган постту өзү жазганын тастыктап, "Бул биздин азыркы күндөгү корконучтуу чындык" , - деген оюн билдирди.