Депутат жарандар пенсияга чыкканга чейин каза болуп калса, анын пенсиялык жыйымдары кандай болору тууралуу сурады

Өткөн жумада Жогорку Кеңештин жыйынында Социалдык фонддун бюджети боюнча мыйзам долбоору каралган.

Анда депутат Айнура Осмонова жарандар пенсияга чыкканга чейин каза болуп калса, анын пенсиялык жыйымдары кандай болору тууралуу сурады.

Социалдык фонддун төрагасынын орун басары Гүльнура Жуматаева мураска калуучу база тууралуу норма бар экенин айтып, ал арызынын негизинде туугандарына төлөп бериле турганын билдирди. Депутат Акылбек Жапаров пенсиялык камсыздоо системасы кыйын акыбалда экенин белгиледи. "Туруктуу пенсиялык системди сактап калуу үчүн натыйжалуу чараларды көрүү керек", – деди депутат.