"30 жашка чейинкилер". Индияда тарап жаткан белгисиз оорунун кайдан чыкканы болжолдуу айтылды

Индияда тарап жаткан белгисиз оору уулуу органикалык бирикмелерге жана курт-кумурска, чиркейлерге каршы күрөшүүчү заттар белгисиз илдеттин пайда болушунун себептери катары аныкталууда. Бул тууралуу чет элдик маалымат булактары жазып чыкты.

Маалыматка ылайык, адистер учурда бул оорунун келип чыгышын курт-кумурска, чиркейлерге каршы күрөшүүчү заттардан келип чыгышы мүмкүн деп гана билдиришүүдө. Изилдөөлөр жөнүндө расмий маалыматтар азырынча белгисиз. Курт-кумурскаларга каршы зат шектенүүнү гана жаратууда.

Ошол эле учурда белгисиз оору менен ооруканага жаткырылган бейтаптардан коронавирус илдети аныкталган эмес. Белгисиз ооруну жуктуруп алгандардын көбү 20 жаштан 30 жашка чейинкилер. Арасында 12 жашка чейинки 45 бала бар экендиги белгилүү болду.

Буга чейин Индиянын Андхра-Прадеш штатындагы Элуру шаарында белгисиз оорудан 350дөн ашык адам ооруканага жаткырылып, бир адам каза болгондугу кабарланган.