Мэрия кинотеатрлардагы санитардык эрежелердин сакталышын текшерүүдө

Бишкек шаарынын мэриясы ишкердик субъектилеринин санитардык эрежелерди сакталышын текшерүүнү кайрадан баштады. Бул тууралуу шаардык мэриядан билдиришти.

Маалыматка ылайык, кинотеатрлардын, ашкана аянтчаларынын, компьютердик клубдардын жана башка көңүл ачуучу мекемелердин ишине көбүрөөк көңүл бурулууда, анткени алар жакында, 1-декабрдан тарта иштей башташты. Санитардык рейддер калаанын социалдык саясат боюнча вице-мэри Айжан Чыныбаеванын жеке көзөмөлүндө.

"Жакынкы күндөрү Биринчи май райондук администрациясынын Экономика жана финансы бөлүмүнүн, МАБдардын, Бишкек шаарынын мамлекеттик санитардык-эпидемиологиялык көзөмөл борборунун, РИИБинин адистеринен турган мобилдик топ "Ала-Тоо", "Россия" кинотеатрларын жана райондогу компьютердик клубдарын текшерүүгө алышты. Кызматкерлердин жана меймандардын арасында бет кап тагынуу режимин сактоо, кинотеатрларда кардарлардын шахмат түрүндө отурушу жана башка санитардык талаптар сакталууда.

"Мото" соода борборундагы "Underground" оюн клубунда мыйзам бузуулар аныкталды, атап айтканда, мекеменин администрациясы көп кардарларды киргизип, бет кап тагынуу режимин сакташкан эмес.

Оюн клубунун администрациясына эскертүү берилип, санитардык-эпидемиологиялык эрежелерди жана талаптарды милдеттүү түрдө сактоо боюнча түшүндүрүү иштери жүргүзүлдү", - деп жазылат маалыматта.