Продюсер Канат Кадыржан бир тууган агасы 7-8 жылдан бери дайынсыз болуп жатканын айтып, коомчулукка кайрылды

Бир катар ырчыларды сахнага алып чыккан продюсер Канат Кадыржан бир тууган агасын табууга көмөк сурап коомчулукка кайрылды. Айтымында, 7-8 жылдан бери агасы дайынсыз болуп, анын аман-соо экени бүгүнкү күнгө чейин белгисиз.

"Эмнеге? Кандай кылсам болот?" деген суроолор 7-8 жылдан бери жан дүйнөмдү сыздатып келет. Бир тууган агам тирүүбү же бул жалган жашоо менен коштошконбу?

Биз, өзгөчө мен издебеген, сураштырбаган жер калган жок. Кабарыңызды билдириңизчи. Байкем жок, иним жок, аны билесиз. Сиздин ордуңузду баса турчу ким? Балким... деп узун жолду карай берем. Сизге окшош бирөө болсочу, аттиң. Мындан бир нече күн мурда түшүмдө көрдүм. Урматтуу замандаштарым, араңыздарда Мирбек Кемелов деген жарандын атын угуп же көрүп калсаңыздар жардамдашууга чакырам", - дейт ал.