Кыргызстанда психикалык ооруларга чалдыккан 68 миңдей адам бар

Бишкекте 4-октябрь күнү “Хабитат - Кыргызстан” коомдук фонду жана ден соолугунун мүмкүнчүлүгү чектелүү балдардын ата-энелери ассоциациясы “Биздин балдар жашоодо орун таба алабы?” аттуу акция өткөрүшөт. Бул тууралуу акциянын уюштуруучулары маалымдашты. Иш-чара Бүткүл дүйнөлүк психикалык ден соолук күнүнө карата өтөт. Кыргызстанда психикалык ооруларга чалдыккан 68 151 бар, алардын 21 377си ден соолугунун мүмкүнчүлүгү чектелүү жарандар. Акциянын максаты - ооруган адамдардын жашоо шартын жакшыртуу жана коомучлуктун көңүлүн буруу. Иш-чарада балдар үчүн оюндар өткөрүлүп, концерттик программа тартууланат. Акцияга Жогорку Кеңештин тармактык комитетинин мүчөлөрү, бейөкмөт уюмдардын, министрликтердин жана мамлекеттик түзүмдөрдүн өкүлдөрү катышат.