Орусиялык жаран досун жана анын инисин өлтүрүп, жансыз денелер менен фотосессия уюштурган

Орусиялык жаран дос кызын жана анын инисин өлтүрүп, жансыз денелер менен фотосессия уюштурган. Бул тууралуу аталган өлкөнүн басылмалары жазып чыгышты.

Маалыматка ылайык, Краснодар аймагында 32 жаштагы эркек киши изделүүдө. Ал өзүнүн 26 жаштагы дос кызын жана анын 9 жаштагы инисин өлтүргөндүгү тууралуу окуя интернетке тараган.

"32 жаштагы А.Г. социалдык тармактарга маркум кыздын жана анын инисинин жансыз денелеринин фонунда тартылган видеосун жарыялаган. Анын айтымында, ал таштап кетмекчи болгон дос кызынын чыккынчылыгынан тажаган. Кызды муунтуп өлтүрүп, анын тогуз жаштагы инисин эжеси аны ким менен алмаштырып жатканын билгиси келип, кыйнап өлтүргөн. Укук коргоо органдары кылмышкерди издеп жатышат, анын унаасы Кара деңиздин жээгинен табылды", - деп жазылат маалыматта.