Жалал-Абад шаарында 11 жаштагы Ойдиной Тургунова дайынсыз болуп изделүүдө

Жалал-Абад шаарында 11 жаштагы Ойдиной Тургунова дайынсыз болуп изделүүдө. Бул тууралуу облустук милициядан билдиришти.

Маалыматка ылайык, ал ушул жылдын 4-декабрь күнү түшкү саат 12:00 чамасында Жалал-Абад шаарындагы “Шабдалызар” базарында апасы соода кылган жерден үйүнө кеткен боюнча дайынсыз жоголгон.

Учурда Тургунова Ойдинойдун жүргөн жерин аныктоого мүмкүнчүлүк болбой жаткандыгына байланыштуу туугандары жана милиция аны табууга коомчулуктан жардам сурайт.

Белгилери: Бою 115-130 сантиметр, өңү кара тору, чачы, кашы, көзү кара, орто дене түзүлүштө.
Кийген кийимдери: Ток кызыл түстөгү куртка, кызыл түстөгү баш кийим, сары түстөгү шым, кара түстөгү маасы-көлөч.

Дайынсыз болуп жаткан Ойдиной Тургунова тууралуу кандайдыр бир маалымат болсо биздин дарекке кабарлап коюуңуздарды суранабыз.
Байланыш телефону: (03722) 7-39-90, 0553 78-00-78, 0771 93-60-70.