Бүгүнкү күндө пенсионерлердин саны көбөйүп 670 миңге жетти, 2010-жылы 530 миң пенсионер болгону айтылды

Бүгүнкү күндө пенсионерлердин саны көбөйүп 670 миңге жетти, 2010-жылы 530 миң пенсионер болгону айтылды. Бул тууралуу бүгүн. 14-декабрда Жогорку Кеңештин комитет жыйынында белгилүү болду.

Социалдык фонддун төрагасынын орун басары Гүлнура Джуматаева фонддун бюджетин оптимизациялоо боюнча бир нече сунуштарын билдирди. Анын айтымында, бүгүнкү күндө пенсионерлердин саны көбөйүп 670 миңге жетти, ал эми 2010-жылы 530 миң болчу. "Жаңыдан пенсияга чыккандардын саны бир жылда 47 миң адам болсо, 29 миң киши жеңилдетилген шартта чыккан. Курагынан мурда пенсияга чыккандардын саны көбөйүүдө. Социалдык фонд аялдар үчүн 58, эркектер үчүн 63 болгону менен жаңы пенсияга чыккандардын ичинен ар түрдүү жеңилдиктер менен чыккандар 70 пайызды түзүп калууда", - деди ал.