"Мен жөн гана апамды өлтүрдүм". Улуу Британияда өспүрүм апасына 118 жолу бычак сайган

Улуу Британияда өспүрүм энесин мыкаачылык менен өлтүрдү. Бул тууралуу чет элдик маалымат каражаттары жазып чыгышты.

Маалыматка ылайык, 17 жаштагы өспүрүм өз энесин муунтуп, андан кийин аялдын эс-учун жоготуп койгонуна көзү жеткенде башына, 64 жолу моюнуна жана 16 жолу колуна бычак сайган.

Андан кийин ал Өзгөчө кырдаалдар кызматына чалып, алардан жансыз денени салуу үчүн баштык алып келүүсүн суранган.

Ал эми полиция кызматкерлеринин айтымында, өспүрүм 999 номерине чалып, жайбаракат, токтоо үн менен "Мен жөн гана апамды өлтүрдүм. Аны муунтуп, ар кандай бычактар жана башка нерсе менен сайдым" деп айткан.

Бул үрөй учурган окуя ушул жылдын июль айында катталган, бирок сот отуруму 14-декабрда болгон. Соттук процесс октябрь айында өтүшү керек болчу, бирок белгиленген күндөн бир нече күн мурда өспүрүмдүн жансыз денеси психиатриялык оорукананын бөлүмүндө табылган. Укук коргоо органдарынын кызматкерлеринин айтымында, бала жынысын, атын Бенден Роуан деп өзгөрткөнгө жетишкен. Андан тышкары, депрессияга кабылып өзүн-өзү өлтүрүүгө аракет кылган.