"Кыйналымыш болуп койсоң болмок". Дүйнө Кубогун жеңген Айсулуу Тыныбековага арналган жылуу сөздөрдүн топтому

Сербиянын борбору Белград шаарында күрөш боюнча Дүйнө Кубогу өтүүдө. Дүйнө Кубогуна 62 килограмм салмак ченинде катышкан Айсулуу Тыныбекова финалга чейин жетип, финалдык беттеште латвиялык Анастасия Григорьева менен кез келип, атаандашын 0:14 эсебинде эч кандай кыйынчылыксыз мөөнөтүнөн мурда жеңди.

Сиздердин назарыңыздарга Дүйнө Кубогун жеңип Кыргыз элин кубанткан Айсулуу Тыныбековага социалдык тармактын колдонуучулары тарабынан жазылган жылуу пикирлердин топтомдорун сунуштайбыз:

"Нурбек агай, (ред. Нурбек Изабеков) кандай болду? Кичине кыйналымыш болуп койсоң болмок;

"Ай-ии сөз жок, тиги кызга шанс дагы бербей, ойнотуп койду го. Айсулуу олимпиаданы багындыр эми";

"Бул не деген сонун кабар? Чын эле сөз жок. Азаматтын азаматы";

"Атаандаштарын карышкыр койду кекиртектен алгандай эле алат го";

"Мыктынын мыктысы экенине дагы бир далили. Чынында сөз жок";

"Каршылаштар Айсулуу менен күрөшпөй эле медалды бере бергиле. Баары бир Айсулуу алат алтынды";

"Алтын медаль кут болсун, Лямпочкам! Эми олимпиада чемпиону бол";

"Айсулуу, сүйүнгөнүбүздөн ыйлап жибердик";