Мэрия коомдук жайларды тартипке келтирүү иштерин жүргүзүүнү улантууда

Бишкек шаардык мэриясынын санитардык-экологиялык инспекциясы коомдук жайларды тартипке келтирүү иштерин жүргүзүүнү улантууда. Бул тууралуу шаардык мэриядан билдиришти.

Маалыматка ылайык, Санитардык патруль кызматы тарабынан Эне жана баланы коргоо борборунун айланасындагы баш аламандык үчүн протокол түзүлдү.

Мыйзамга ылайык, физикалык тарапка 3 миң сом, ал эми юридикалык жакка 13 миң сом айып салынат.

"Айни көчөсүндөгү "Фарма-Мир" компаниясына, Ахунбаев №134/1 көчөсүндө "Фарватор", Айни 85 "Партнер Инвестор", Үмөталиев №161/1 көчөсүндө "Триада", Чүй № 128 кең көчөсүндө "Эпоос" дүкөндөрү, ошондой эле Дэн Сяопин кең көчөсүндө жайгашкан "Малика" кафесине айып салынды.

"Эко Транс Сервис" жана "Комтранском" компанияларына таштандыны алып салбаганы үчүн протокол түзүлдү. Мындан тышкары "Сабыш", "Миң Бир Жыгач" компанияларына, "Триадага" таштандыны атайын жайга таштабаганы үчүн айып салынды", - деп жазылат маалыматта.