Депутат Сабиров пенсиянын көлөмү көтөрүлгөндө аскер кызматкерлериники дагы жогорулашы керектигин белгиледи

Депутат Максат Сабиров пенсиянын көлөмү көтөрүлгөндө аскер кызматкерлериники дагы жогорулашы керектигин белгиледи. Бул тууралуу ал бүгүн, 17-декабрда Жогорку Кеңештин жыйынында билдирди.

Социалдык фонддун төрагасынын орун басары Гүлнура Жуматаева орточо пенсия 6 миң 61 сом болсо, аскер кызматкерлериники 9-10 миң сомго чейин болорун айтты. "Алардын пенсиясы 5-6 жылда бир көтөрүлөт, бир көтөрүлгөндө жакшы көтөрүлөт", - деди ал.

Депутат: "Аскер кызматкерлери дагы мамлекетке кызмат кылган да. Алар деле пенсиябыз көбөйсө болот эле дешет. Пенсия жалпы көтөрүлүшү керек", - деди.

Вице-премьер-министр Эльвира Сурабалдиева бирдиктүү саясат болушу керек дегенди колдой турганын белгиледи.