Жетим-Тоо кенин мамлекет өзү иштетери айтылды

Нарын облусундагы Жетим-Тоо темир кен жайын мамлекет өзү иштетет. Бул тууралуу бүгүн, 17-декабрда өнөр жай, энергетика жана жер казынасын пайдалануу мамлекеттик комитетинин төрагасы Жыргалбек Сагынбаев маалымат жыйында билдирди.

"Учурда Жетим-Тоодо 3 миллиард 344 тонна темир бар. Темир кен жайын мамлекет өзү иштетет, бул боюнча улуттук долбоор түзүлөт. Ал эми башка инвесторлорго лицензия берилген жок. Инвесторлорду тартууну көздөгөн жокпуз, каражат Кыргыз-Орус өнүктүрүү банкынан жана Евразия өнүктүрүү банкынан алынаары күтүлүүдө. Долбоордун башталышына 200-300 миллион сомдой акча кетет. Бул каражатты биз долбоорго насыя катары алабыз, анын мамлекеттин тышкы карызына тиешеси жок. Биз Жетим-Тоо темир кен жайы толук кандуу мамлекеттин долбоору болгудай кылып иштеп жатабыз. Ал Кыргыз өлкөсүнүн улуттук долбоору болуп, бюджет үчүн ири кирешелерди алып келе турган болушу керек" , - деди Сагынбаев.