Быйыл кышында себепсиз жарык өчүрүлбөйт

Быйыл кышында электр энергиясын үнөмдөө үчүн жарыкты атайын өчүрүүлөр болбойт. Муну бүгүн, 2-октябрда маалымат жыйында энергетика жана өнөр жай министри Осмонбек Артыкбаев билдирди. Бирок авариялык өчүрүүлөр болушу мүмкүн. “Жарыктын өчүшүнө көбүнчө электр чубалгыларынын, жабдуулардын начар абалы себеп болот. Учурда оңдоп-түзөө иштери жүрүп жатканы менен энергетикалык тутумдагы каржынын жетишсиздигине байланыштуу бул көйгөй толук чечиле элек. Анткени өлкөдөгү электр станцияларынын техникалык абалы начар", - дейт Артыкбаев.