Ошто патрулдук кызматка талапкерлердин кардын үстүндө көнүгүүлөрдү жасап сынак тапшырып жаткан видеосу тарады

Ош шаарында Милициянын кайгуул-күзөт кызматына талапкерлер кардын үстүндө пресс жасап сынак тапшырып жаткан видео социалдык тармакка тарады.

Видеодо Ош милициясынын патрулдук кызматына талапкерлер спорттук аянтта дене тарбия боюнча стандарттык көнүгүүлөрдү жасап жатканын байкоого болот. Суукка карабай кардын үстүндө көнүгүүлөрдү жасагандардын арасында кыздардын да бар экенин байкоого болот.

Буга чейин Ош ШИИБинин милициянын кайгуул кызматы бөлүмүнүн бош кызмат орундарына талапкерлерди кабыл алып, тестирлөө болуп жатканы кабарланган.