Жогорку Кеңеште акыйкатчы шайлоо башталды. Бюллетень үчүн 6 урна коюлду

Жогорку Кеңеште КРнын Акыйкатчысын шайлоо башталды. Атайын түзүлгөн комиссиянын чечими боюнча добуш берүү жашыруун түрдө өтөт жана депутаттар ар бир талапкер үчүн макул же каршы деп добуш берүүгө милдеттендирилди. Бюллетендин көптүгүнөн залга 6 урна коюлду.  

Айта кетсек, акыйкатчылык кызматка 49 талапкер ат салышып жатат. Эгер жалгыз талапкер 61 добуш алса, ал жеңүүчү болот. Эгер 61ден көп добушту бир нече талапкер алса, алар 2-турга өтүшөт. Эгер эч бир талапкер 61ге жетпеген добуш алса, алдынкы 2 талапкер экинчи турга өтмөкчү. 3-турда депутаттардын көпчүлүгүнүн добушун алган талапкер жеңүүчү болот. Учурда ар бир депутаттын 49 добуш берүүгө укугу бар.