Дүйнө Кубогунда коло медалга ээ болгон Руслан Царевдин бир тууган байкеси акча талап кылуу фактысы менен кармалды

ИИМдин ыкчам кызматкерлери менен УКМК Бишкектин жашоочусунан 380 миң сом акча каражатын опузалап талап кылган кылмыштуу топту кармашты. Бул тууралуу ИИМдин басма сөз кызматынан билдиришти.

Ушул жылдын декабрь айында өңү-түсү азиат жана европа түспөлүндөгү 25-30 жаштардагы эки белгисиз адам БМВ-535 үлгүсүндөгү унаа менен 1991-жылы туулган С.А. аттуу жаранга келишкен. Бул шектүүлөр өздөрүн Алтынбек жана Роман деп тааныштырган.

"Алтынбек жабырлануучуга моралдык жана психологиялык басым көрсөтүп, сабап, коркутуп, 380миң сом акча каражатын талап кылган. Андан соң кылмышкерлер белгисиз тарапка кетишкен. Бирок телефон аркылуу физикалык күч колдонобуз деген коркутууларын уланткан.

Аталган факты сотко чейинки өндүрүшкө катталып, ыкчам алдын алуу иш-чараларынын натыйжасында атайын операция уюштурулган. Шектүүлөр 100 миң сом өлчөмүндө акча каражатын алуу учурунда кармалган. Алар Түп районунун 1992-жылы туулган М.А. аттуу тургуну жана Казакстан Республикасынын 1991-жылы туулган Ц.Р. аттуу тургуну болушкан. Алар Бишкек ШИИББинин убактылуу кармоочу жайына киргизилип, мындан аркы териштирүүлөр жүрүп жатат", - деп билдирет басма сөз кызматынан.

Шектелип кармалгандардын бири Роман Царев Белград шаарында өткөн Дүйнө Кубогунда коло байгеге ээ болгоне Руслан Царевдун бир тууган байкеси.