"Эрежени жыргаганынан бузган жок". Депутат Маматалиев пандемияда эл ташыган ыктыярчыларга салынган айыптар жөнүндө айтты

Депутат Марлен Маматалиев пандемияда жол эрежесин бузган ыктыярчылар тууралуу маселени көтөрдү. Бул тууралуу бүгүн, 24-декабрда Жогорку Кеңештин жыйынында билдирди.

"Пандемия учурунда ыктыярчылар жеке унаасы менен чыгып, жарандарды ооруканага ташып, жол эрежелерин бузуп жатышты. Алар жыргаганынан бузган жок да. Биз бул маселени чечебиз дедик эле. Дагы деле маселе чечилген жок. Комиссия түзүп карап чыгыш керек болчу. "Силерди бирөө чык" деди беле деп айтып жатышыптыр. Ушул маселени тез арада чечип берүүбүз зарыл", - деди ал.