Камчыбек Ташиев президенттик шайлоодон кийин өлкөдөгү абалды туруксуздаштыруу аракети болушу мүмкүн экенин билдирди

Бүгүн, 24-декабрда УКМКнын төрагасы Камчыбек Ташиев маалымат жыйындын жүрүшүндө президенттик шайлоодон кийин өлкөдөгү абалды туруксуздаштыруу аракети мүмкүн экендигин билдирди.

Анын айтымында, атайын кызматтар өлкөдөгү башаламандыктарды кылбоого болгон аракеттерин көрүшөт.

"Бизде кырдаалды дестабилдештирүүгө ким жана кайсы талапкер даярданып жатканы тууралуу маалымат бар. Шайлоодон кийин бул талапкерлерге чара көрөбүз. Айрым талапкерлер шайлоо өнөктүгүн жүргүзбөй, шайлоодон кийин кырдаалды дестабилдештирүүгө камынып жатканы тууралуу бизде конкреттүү маалыматтар бар. Буга биздин эл жол бербейт деп ишенем. Эгерде ошол күчтөр миңдеген адамдарды көчөгө алып чыкса, анда андан көп миллиондогон адамдар чыгышы мүмкүн. Ошондуктан ушундай жолду көздөп жаткандар мындай иштерди үмүт кылбасын", - деди Ташиев.