Бишкекте өспүрүмдөр арасында грек-рим күрөшү боюнча мелдеш болуп өттү

Бишкектеги "Газпром" ден соолукту чыңдоо борборунда өспүрүмдөр арасында грек-рим күрөшү боюнча мелдеш болуп өттү. Бул тууралуу шаардык мэриядан билдиришти.

Билдирүүгө ылайык, 14, 16 жаш курагындагы 100 өспүрүм 11 салмак категориясында күч сынашты.

"Мелдештин ачылышына Дене тарбия жана спорт башкармалыгынын башчысы Нурлан Токоноев, Күрөш федерациясынын вице-президенти Ахрор Иминов катышты", - деп жазылат маалыматта.

Мелдештин жыйынтыгында алдыңкы орунду алган балбандар:

Нурболот Бердикулов - 45 килограмм салмакта;

Раззак Бейшекеев - 60 килограмм салмакта;

Арсен Жекшенов - 65 килограмм салмакта;

Исмаил Гасанов - 92 килограмм салмакта.

Баяман Каримов - 65 килограмм салмакта;

Саид Сусуза - 71 килограмм салмакта.