"Ал эми сүрөттү үйүмө илем". Артём Новиков билим берүү министри баштаган эстафетаны улантып, окуучуга белек алып берди

Премьер-министрдин милдетин аткаруучу Артём Новиков Билим берүү министри Алмаз Бейшеналиев узаткан эстафетаны улантты. Бул тууралуу ал өзүнүн Фейсбук баракчасына жарыялады.

Ошондой эле Артём Новиков бардык мамлекеттик кызмат жетекчилерин жана чиновниктерди бул эстафетаны улантууга чакырат.

Буга чейин “Балажан” республикалык борбору өлкө боюнча жетим балдар жана ден соолугунун мүмкүнчүлүгү чектелген балдар интернаттарынын арасында “Жаңы жыл – жаңы үмүт” аттуу долбоордун алкагында сүрөт сынагын өткөргөн. Анда тандап алынган мыкты сүрөттөр мамлекеттин башындагы жетекчилерге, Жогорку Кеңештин депутаттарына жана элчилерге жаңы жылдык куттуктоо катары белек катары жөнөтүлгөн.

Билим берүү министри Алмаз Бейшеналиев жаңы челенж баштап, окуучунун тарткан сүрөтүн алып, ага планшет алып берип, андан соң эстафетаны Артём Новиковго узаткан.