О! төлөм терминалдарындагы толуктоо шарттарынын өзгөрүүсү

Бүгүнкү күндө О! фирмалык терминалдарынын тармагынын саны бүт өлкө боюнча 3000 даананы түзөт. Эгер мурун аларды ири азык-түлүк дүкөндөрүнөн же соода борборлорунан көрчү болсок, азыр аларды өлкөнүн бүт аймактарынын бардык жерлеринен, жадагалса чакан дүкөнчөлөр менен кафелерде көрө алабыз. Терминалдар бир кадамдык жеткиликтүүлүктө жайгашкан.

2021-жылдын 15-январынан тартып фирмалык брендделген О! терминалдарынан О! байланыш кызматын төлөгөндө жана «О!Деньги» капчыгын толуктаганда комиссия бардык салыктарды эске алуу менен 3 сомду түзөт. Кызмат «Грин Телеком Сервис» ЖЧК төлөм мекемеси тарабынан көрсөтүлөт.

Белгилей кетсек, О! байланыш кызматтарын төлөө же «О!Деньги» электрондук капчыгын толуктоо O!Storе дүкөндөр тармагында жайгашкан фирмалык терминалдарында мурункудай эле комиссиясыз жүрөт.

Төлөмдөрдү кабыл алуунун шарттарынын өзгөрүүсү кызматты көрсөтүп жаткан төлөм мекемесинин ири терминалдык түйүндүн техникалык тейлөөсү, сактыгы, инкассациясы, соода түйүндөрүндө жана жайларда терминалдарды орнотуу боюнча ижара акысы менен бирге башка чыгымдарына байланыштуу муктаждыктардан келип чыкты.

Бардык O!Store дүкөндөрүнүн даректерин o.kg сайтынан билсе болот.