"Бирок көңүл жолдун жамактарына бурулат". Күчөтүлгөн режимде иштей турган ИИМ кызматкерлери бир катарга тизилди (сүрөттөр)

Бүгүн, 30-декабрда Бишкек шаарынын эски аянтында милициянын гарнизондук саптык кароосу болуп өттү. Бул тууралуу ИИМдин басма сөз кызматынан билдирди.

Бүгүндөн баштап 2021-жылдын 1-январына чейин Ички иштер органдарынын жалпы өздүк курамы күчөтүлгөн режимде кызмат өтөөгө киришет.

Милициянын бөлүктөрүнүн гарнизондук саптык кароосун жыл сайын өткөрүү салтка айлангандыктан, анда милиция кызматкерлеринин кызмат өтөөгө киришүүгө жана коомдук тартипти жана жарандардын коопсуздугун сактоо боюнча өз милдеттерин аткаруу үчүн өткөрүлүп келет.

“Урматтуу кесиптештер, үзөнгүлөш эр азаматтар. 2020-жылды аяктап жатып өлкөбүздүн турмушунда бир катар өзгөчө маанилүү саясий, социалдык окуялар болду. Ага Кыргыз өлкөсүнүн ар бир жараны жана ар бир милиция кызматкери күбө болду. Милициянын эр азамат жигиттери кылым карытып иш кылды, берген антына жана намысына бекем турду. Журтту коргоп чеп болду, намысына шек келтирбей, өмүрү бычактын мизинде турса да, элим, жерим деп кызматын мекенине арнаган эр азамат шер болду. Жаңы жылыңыздар менен”,- деп куттуктады ички иштер министри, милициянын полковниги Улан Ниязбеков.

Гарнизондук саптык тескемеге ички иштер министри, милициянын полковниги Улан Ниязбеков, министрдин орун басарлары, башкы башкармалыктардын, башкармалыктардын, кызматтардын начальниктери, ички иштер органдарынын ардагерлери, коомчулуктун өкүлдөрү катышты.