Бишкекте балдар үйүнүн бүтүрүүчүлөрүнө батир берилип, турак жайынын документи жок жарандарга кызыл китептер тапшырылды

Бишкек шаардык мэриясы Жаңы жылдын астында балдар үйүнүн бүтүрүүчүлөрүнө батир берип, узак мезгилден бери турак жайынын документи жок кыйналып жүргөн шаардын жаңы конуштарындагы тургундарына кызыл китептерди тапшырды. Бул тууралуу мэрдин милдетин аткаруучу Балбак Түлөбаев социалдык тармактагы баракчасына жазып чыкты.

"Мен өмүрүмдө бүгүнкү күндөй кубанган эмесмин. Жаңы жылдын астында жетим балдарга батир берип жатабыз. Ошондой эле узак мезгилден бери турак жайынын документи жок кыйналып жүргөн Бишкек шаарынын жаңы конуштарынын тургундарына жер тилкелерин мыйзамдаштырып, кызыл китептерин тапшыруудабыз", - деп жазып калтырган Балбак Түлөбаев.