"Эстафетаны улап...". Эмгек жана социалдык өнүктүрүү министрлиги "Жылуу маанай" флешмобуна катышты

Бүгүн, 30-декабрда Эмгек жана социалдык өнүктүрүү министрлиги Жаңы жыл алдында "Тазалык" муниципалдык ишканасынын кызматкерлерине жылуу маанай тартуулоо максатында ысык чай, кофе, таттууларды таркатты. Бул тууралуу аталган мекемеден билдиришти.

Билдирүүгө ылайык, флешмоб таң эрте шаңдуу музыка менен коштолуп, ар бир кызматкерге жылуу маанай тартууланды.

"Министрдин орун басары Жаңыл Алыбаева "Тазалык" ишканасынын кызматкерлери ысык-суукка карабай, күнүгө шаардын тазалыгына кам көрүп жаткандары үчүн ыраазычылык билдирип, келе жаткан Жаңы жыл менен куттуктады.

Андан соң Жаңыл Алыбаева "Жылуу маанай" флешмобунун эстафетасы Өзгөчө кырдаалдар министрлигине узатты", - деп жазылат маалыматта.

Эске салсак, буга чейин Маданият, маалымат жана туризм министрлиги "Жылуу маанай" флешмобун баштап, эстафета Эмгек жана социалдык өнүктүрүү министрлигине берилген.