super.kg logo

"Жаңы жыл - жаңы үмүттөр" аталышындагы сүрөт тартуу сынагынын жеңүүчүсү Нуржигит Момунбаевге сыйлык тапшырылды

 

Президенттин милдетин аткаруучу, Жогорку Кеңештин төрагасы Талант Мамытовдун атынан "Жаңы жыл - жаңы үмүттөр" аталышында балдар арасында өткөрүлгөн сынакта жеңишке жетишкендиги үчүн Казыбек Тилебалиев атындагы Панфилов мектеп-интернатынын тарбиялануучусу, 16 жаштагы Нуржигит Момунбаевге ноутбук тапшырылды.

Мектеп-интернаттын директорунун окуу-тарбия иштери боюнча орун басары Рахат Назарбекова берилген сыйлык үчүн ыраазычылык билдирип, "Жаңы жыл - жаңы үмүттөр" аталышында балдар арасында өткөрүлгөн сынакка 45 тарбиялануучу катышканын, анын ичинен 9 сүрөт республикалык сынакка көрсөтүлгөнүн маалымдады. Жыйынтыгында Нуржигит Момунбаевдин "Сыйкырдуу шар" аталышындагы сүрөтү эң мыкты деп табылган.

Андан тышкары, Рахат Назарбекова Казыбек Тилебалиев атындагы Панфилов мектеп-интернаты 1959-жылы негизделип, алгач чабандардын балдары окутулганын, өткөн кылымдын 90-жылдарынан тарта Кыргызстандын булуң-бурчунан келген жетим балдар тарбиялана турган жайга айландырылганын кошумчалады.

"Азыр интернатта 231 бала окуп, 105 бала туруктуу жашайт. Алардын ичинен он бири томолой, кырк беши жарым-жартылай жетим", - деди Рахат Назарбекова.






 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде колдонуучу (Катталган: , коноктор: ) бул кабарды окуду:

Кабарлардын саны:
195263;
 
Маалымат-маанайшат порталы
2006-2025 © SUPER.KG
Кыргыз Республикасы, Бишкек шаары,
Турусбеков 109/1
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
p
Рейтинг@Mail.ru
Биз социалдык тармактарда: