Балаңыз зерикпесин. Балдар үчүн Бишкектеги жаңы жылдык иш-чаралардын программасы

Бишкек шаарынын мэриясы жаңы жылдык майрамдарга карата шаардын жаш тургундары үчүн оюн-зоок программасын иштеп чыкты. Бул тууралуу шаардык муниципалитеттин басма сөз кызматынан билдиришти.

Жаңы жылдык иш-чаралардын программасы:

4-январда саат 12:00дө "Диалог" маданият үйүнүн кичи залында балдарга арналган тренинг өтөт. Ал эми 5-январь күнү ушул эле маданият үйүнүн кичи залында №2 Балдар искусство мектебинин эстрада аткаруучулары жана вокалисттеринин катышуусунда "Жылдыздар менен ырдайбыз" аттуу концерт болот.

Ошол эле күнү "Жаңы жыл басып баратат" интеллектуалдык викторинасы болору күтүлүүдө.
6-январь күнү саат 12:00дө аталган маданият үйүнүн кичи залында №2 Балдар искусство мектебинин балаты майрамдык кайрымдуулук концерти пландаштырылган.

8-январда саат 12:00дө "Сөз маданияты", "Гитара жана комузда ойноо", "Лего ойноо", "Инстаграмдагы кыялдарга беш кадам" деген аталышта мастер-класстар өтүлөт.

Ал эми 9-январда саат 12:00дө Жаңы жылдык мультфильмдердин негизинде квест болот.

10-январда саат 9:00дө "Жаңы жылдык балатынын алдындагы бала бакча" аттуу жаштар чакырыгы өтөт. Ушул маданият үйүндө 11-январда "Жаштык", "Баарын чогуу ырдайлы" караоке конкурсун өткөрүү пландаштырылууда. 12-январь күнү саат 15:00дө сүрөт тартуу, видео тартуу жана сайма саюу боюнча мастер-класстар өтөт.

Бишкек шаарынын мэриясы балдарга жана жарандарга санитардык эрежелерди сактоону унутпоону суранат. Бет кап кийип, антисептикалык каражаттарды колдонуу менен бирге аралыкты сактоону эскертет.