Бишкек абанын булганышы боюнча дүйнөдө биринчи орунга чыкты

Бүгүн, 4-январда "World Air Quality" уюмунун дүйнөлүк рейтингинде Бишкек шаары абанын булганышы боюнча биринчи орунга чыкты.

Дүйнөдөгү шаарларда абанын сапатын иликтеген уюмдун сайты 4-январга караган түнү борбор калаадагы абалга кооптуу деген баа берген.

"Бул уюмдун абанын сапаты тууралуу индексинде Бишкекте аба сапатынын көрсөткүчү (AQI) 382 экени көрсөтүлгөн. Төмөнкү картада ошондой эле борбордун ар кайсы аймактарында орточо AQI көрсөтүлгөн. Ал саат сайын жаңыланып турат. Белгилей кетсек, абанын сапатынын индекси (AQI) ден соолукка кооптуу деңгээлдин жогорулап жаткандыгын көрсөткөн алты категорияга бөлүнөт. AQI 300дөн жогору болсо, ал абанын зыяндуу сапатын көрсөтөт, ал эми 50дөн төмөн болсо абанын сапаты жакшы дегенди билдирет", - деп жазылат аталган уюдун расмий сайтында.

Эске салсак, буга чейин шаардын асманын түтүн каптап турганы тартылган сүрөттөр интернетке тынымсыз тарап, коомдун талкуусун жараткан.