"Жээкте эл менен жолуккан учур". Бразилиянын президенти сууга секирген видеосун жарыялады

Бразилиянын президенти Жаир Болсонару 2-январда катерден сууга секирип, жээкте жүргөн эл менен сүйлөшүп кайткан видеону өзүнүн социалдык тармактагы баракчасына "жээкте эл менен" деп жазып жарыялады.

Видеодо президент Жаңы жылдын алгачкы күнүндө өзүнүн жардамчылары менен катерде кетип бара жаткан учурда сууга секиришкен. Ак футболкачан президент Болсонару сууга биринчи секирип, артынан жардамчылары коштоп секирген. Алар бир нече метр сүзүп барып, жээктеги эл менен сүйлөшүп, кайра кайтышкан. Ошол жерде тургандар Болсонарунун атын айтып кыйкырышкан. Жээктеги эл президентке коронавируска байланыштуу бир катар суроолорду беришкен.