Бишкекте былтыр 2020-жылы эки автобус каттамы ачылды

Бишкек шаардык мэриясынын Шаардык транспорт башкармалыгы 2020-жылы №15, №71 эки автобус каттамын ачты. Бул тууралуу мэриянын басма сөз кызматынан билдиришти.

Маалыматка ылайык, шаардык транспорттук кызматтар, пандемияга карабастан 2020-жылга пландаштырылгандай ишин токтоткон эмес.

"Коомдук транспортто шаардык жүргүнчүлөрдүн коопсуздугун камсыз кылуу максатында видеокамералар орнотулган. Автобустардын 95 пайызы, троллейбус жана кичи автобустар 60 пайызы видео жаздыргычтар менен жабдылган.

Санитардык нормаларды сактабагандыгы үчүн №134, №150 жана №293 беренелери боюнча протоколдор түзүлүп, айып пулдун жалпы суммасы 740 миң сомго жетти", - деп жазылат маалыматта.