Өкмөт: "ЕАЭБ алкагында улуттук процедура боюнча дары-дармек каражаттарын каттоо үчүн өткөөл мезгил узартылды"

ЕАЭБ алкагында улуттук процедура боюнча дары-дармек каражаттарын каттоо үчүн өткөөл мезгил узартылды. Бул тууралуу өкмөттүн басма сөз кызматынан билдиришти.

Евразиялык экономикалык комиссиянын кеңеши арыз берүүчү тарабынан дары-дармек каражаттарын каттоону ишке ашырууну ЕАЭБдин эрежелерине же интеграциялык бирликке мүчө-мамлекеттердин мыйзамдарына ылайык тандоо мүмкүнчүлүгүн берген өткөөл мезгилдин мөөнөтүн 2021-жылдын 1-июлуна чейин узартуу чечимин кабыл алды. Алгачкы мөөнөт 2020-жылдын 31-декабры деп көрсөтүлгөн.

Өткөөл мезгилди узартуу жана дары-дармек каражаттарын улуттук каттоодон өткөрүүнү сактоо чечимин кабыл алуу ЕАЭБге мүчө-мамлекеттердин саламаттык сактоо тармагынын жаңы дары-дармектерге карай муктаждыгын толугураак канааттандырууга, ошол эле учурда каттоо досьелерин ЕАЭБ каттоо эрежелеринин талаптарына ылайык келтирүү иштерин жүргүзүүгө мүмкүндүк берет.