Өткөн жылы пенсия жана жөлөк пулга 48 миллиардга чукул каражат сарпталды (статистика)

Өлкөдө 2020-жылы пенсия жана жөлөк пулга 47 миллиард 857 миллион 600 миң сом каржыланды. Бул тууралуу Социалдык фонддун басма сөз кызматынан маалымдашты.

Маалыматка ылайык, 2020-жылы декабрь айына пенсия жана жөлөк пулдардын каржылануусу 4 миллиард 200 миллион 600 миң сомду түздү.

Социалдык төлөмдөрдүн аймактар боюнча статистикасы:

• Бишкек шаары — 7 миллиард 833 миллион 700 миң сом;
• Чүй облусу — 7 миллиард 376 миллион 100 миң сом;
• Нарын облусу — 3 миллиард 837 миллион сом;
• Ысык-Көл облусу — 4 миллиард 347 миллион 700 миң сом;
• Талас облусу — 1 миллиард 979 миллион сом;
• Ош шаары — 1 миллиард 720 миллион 800 миң сом;
• Ош облусу — 8 миллиард 792 миллион 100 миң сом;
• Баткен облусу — 3 миллиард 825 миллион 500 миң сом;
• Жалал-Абад облусу — 8 миллиард 145 миллион 800 миң сом.