Президенттин милдетин аткаруучу өлкө жарандарын Рождество майрамы менен куттуктады

Президенттин милдетин аткаруучу Талант Мамытов өлкө жарандарын Рождество майрамы менен куттуктады. Бул тууралуу президенттик аппараттын басма сөз кызматынан билдиришти.

"Бул майрам ишенгендердин жүрөгүн жылуу үмүт, бекем ишеним жана чын жүрөктөн сүйүү менен толтурат. Руханий кубаныч тартуулайт, адамдарды бириктирет, аларды кайрымдуу жана толеранттуу болууга үйрөтөт. Кыргыз мамлекетиндеги православ чиркөөсү кылымдарды карыткан бай тарыхында улут аралык тынчтыкты бекемдөөгө, мамлекет жарандарын Ата Мекенди сүйүүгө, үй-бүлөлүк баалуулуктарды урматтоого тарбиялап, диний конфессиялар аралык диалогду чыңдоого чоң салым кошуп келет. Рождестводогу керемет сизди кыялданууга шыктандырып, жаркын үмүттөрүңүздү ишке ашырсын", - деп жазылат куттуктоодо.