Баасы 28 миллион сом. Балыкчыда клиника-диагностикалык комплексин курууга капсула салынды

Балыкчы шаарында көп тармактуу клиника-диагностикалык комплекстин жаңы имаратын курууга капсула салынды. Бул тууралуу Ысык-Көл облусунун ыйгарым укуктуу өкүлчүлүгүнөн билдиришти.

Билдирүүгө ылайык, ага өкмөттүн Ысык-Көл облусундагы ыйгарым укуктуу өкүлүнүн биринчи орун басары Улан Далиев, меценат Мирлан Исагалиев, Балыкчы шаарынын мэринин милдетин аткаруучу Азамат Арнабек уулу, шаардык аймактык оорукананын башчысы Талант Жумагазиев, ардагер дарыгерлер жана башка медицина тармагына кайдыгер карабаган жашоочулар катышты.

"Клиника-диагностикалык курулуш иштеринин каржылоо жагы буга чейин да шаар үчүн көп иштерди жасаган Мирлан Исагалиев тарабынан колдоого алынды. Жаңы имараттын наркы 28 миллион сомду түзөрү белгилүү болду. Ал үч кабат, 23 койка орундуктан турмакчы", - деп жазылат маалыматта.