"Шайлоодо коомдук тартип сакталат". Нарында көчмө кабылдама иштөөдө

Нарында көчмө кабылдама менен шайлоого карата профилактикалык иштер жүрүүдө. Бул тууралуу Нарын ОИИБинин басма сөз кызматынан билдиришти.

Маалыматка ылайык, 10-январь күнү өтө турган Президенттик шайлоо жана референдумга байланыштуу милиция кызматкерлерине шайлоого байланышкан укук бузуу, кылмыштар боюнча ыкчам маалымат чогултуу, аларды алдын алуу боюнча тапшырмалар берилип, даярдык көрүү жана өткөрүү мезгилинде коомдук коопсуздукту сактоо боюнча шайлоо тилкелерине тартылуучу милиция кызматкерлери менен биргеликте шайлоо өнөктүгүнүн жүрүшүндө облус аймагында коомдук саясий кырдаал көзөмөлдөнүүдө .

"Шайлоо өнөктүгүнө коопсуздукту камсыз кылуу максатында Нарын облусунун жергиликтүү бийлик өкүлдөрү жана элдик кошуундар тартылды. Ошондой эле жергиликтүү тургундарга түшүндүрүү иштери тынымсыз жүргүзүлүп жатат", - деп жазылат маалыматта.

Бүгүнкү күндө облус аймагында коомдук саясий кырдаал туруктуу.