Талкуу жараткан сүрөт. АКШдагы башаламандыкка Кыргыз жигити катышкан дегендин чын-бышыгы

АКШдагы башаламандыкка Кыргыз жараны да катышкан деген сүрөт социалдык тармакка желдей тарап, колдонуучулардын арасында кызуу талкууланууда.

Тартылган кадрда Капитолий имаратында турган бир нече адамды, алардын арасында Кыргыз жигити турганын көрүүгө болот.

Бул сүрөттү кээ бирлери чын эле Кыргыз жигити катышкан деп ишенүү менен бөлүшсө, кээ бир колдонуучулар анын "фейк" сүрөт экенин жазып чыкты.

"Эмне эле болуп жатат десе, биздикилер жүргөн турбайбы. Сүрөт фейк болуп чыкты, бирок айырмасы жок. Себеби дүйнө ааламдашуудан кичирейген. Биз баарыбыз бири-бирибизге таасир этип турабыз. Бизде болгон окуялар, видеолор бардыгы сөзсүз түрдө аларга да таасирин тийгизди. Албетте, андай чоң дүйнөдө экинин бири болгон мамлекетте процесстер татаалыраак, бирок биздеги окуялардын өз салымы бар", - деп жазды социалдык тармактагы баракчасына Канат Мидин уулу.