Бишкек шаарындагы окуучулар качан окуп баштары белгилүү болду

Бишкек шаарындагы мектептер 18-январдан баштап кадимки режимде окуучуларды кабыл ала баштайт. Бул тууралуу шаардык мэриянын басма сөз кызматынан билдиришти.

Билдирүүгө ылайык, мектептерге 1-5-9-11-класстын окуучулары барышат. Окуучулар 2 нөмөттө, шахматтык тартипте окушат. Бала бакчалар 20-январдан баштап ишин жандантат.

"Мындай режимде окуучулар 1-февралга чейин окушат. Андан соң эпидемологиялык кырдаалга жараша адистер окуу процессине мониторинг жүргүзүшөт", - деп жазылат маалыматта.

Эске салсак, март айынан бери окуучулар онлайн режимде окуп келишти. Ата-энелер, мугалимдер мындай режимде окутуу көптөгөн ыңгайсыздыктарды жаратып, окуучулар жетиштүү билим ала албай жаткандыгын айтып келишкен. Ал эми региондогу мектептер үчүнчү чейректен баштап окуп башташат.