Автономерлерди фиксациялоо камералары бир апта ичинде бардык өткөрүү пункттарында ишке киргизилери айтылды

Бир апта ичинде автономерлерди фиксациялоо камералары бардык өткөрүү пункттарында ишке киргизилип, "Бириккен пост" тутумуна интеграцияланат. Бул туурасында премьер-министрдин милдетин аткаруучу, биринчи вице-премьер-министр Артём Новиков Талас облусуна жумушчу сапарынын алкагында "Чоң Капка" көзөмөл-өткөрүү пунктуна барганда билдиргенин өкмөттүн басма сөз кызматынан маалымдайт.

"Түндүк" мамлекеттик ишканасына тийиштүү мамлекеттик органдар менен биргеликте бир жума ичинде республиканын аймагындагы бардык өткөрүү пункттарында автономерлерди фиксациялоо камераларын ишке киргизүү маселесин чечүү тапшырмасы берилди.

Бул жүк ташуучу унаа транспорт каражаттары аркылуу мамлекеттик чек араны кесип өтүүдө коррупциялык тобокелдиктерди жоюуга мүмкүндүк берет. Биздин аймагыбызга киргизилип жаткан ар бир товардын бирдиги эсепке алынмайынча, аткезчилик менен натыйжалуу күрөш болбойт", - деген Артём Новиков.