№1327 шайлоо тилкесинде гимндин жаңырышы менен добуш берүү башталды

Бүгүн, 10-январда №1327 шайлоо тилкесинде президенттик шайлоо эртең менен саат 8:00дө расмий түрдө гимндин жаңырышы менен башталды.

Анда бардык санитардык талаптар аткарылды. Шайлоочулар бет кап менен имараттын ичинен киргизилип жатып, антисептик каражаттары колдоруна чачылып жатат. Эске салсак, президенттик шайлоого 17 талапкер ат салышууда.

Мындан тышкары жарандар шайлоодо өлкөнүн башкаруу формасын дагы тандашат.