Футбол: Мьянма-Кыргыз өлкөсү беттеши 30-мартта Мандалай шаарында өтөт

2022-жылы өтө турган футбол боюнча Дүйнө чемпиондугуна тандап алуу оюнунун алкагындагы Мьянма-Кыргыз өлкөсү беттеши 30-мартта Мандалай шаарында өтөт. Бул тууралуу Кыргыз футболдук союзунан билдиришти.

Маалыматка ылайык, бул беттеш улуттук курама команда үчүн коронавируска байланыштуу тыныгуудан кийинки алгачкы оюн болот.
⠀
Беттеш 30 миң көрүүчү бата турган "Mandalar Thir" стадионунда өтөт жана оюн жергиликтүү убакыт боюнча саат 18:00дө (Бишкек убактысы менен 17:30) башталат.

"Ак шумкарлар" Дүйнө чемпиондугуна тандап алуу оюндарынын алкагында Япония, Тажикстан, Мьянма жана Монголия менен "F" тайпасында жайгашкан. 5 турдун жыйынтыгы боюнча Кыргыз курамасы Япониядан кийин 7 упайы менен 2-орунда келе жатат. Эми алар Мьянма жана Япония менен конокто, Монголия менен өз үйүндө оюн өткөрөт.

⠀