"Алтуха" каймана аты менен таанымал кримавторитеттин ИИМдин кызматкери менен болгон баарлашуусу жарыяланды

Бүгүн "Алтуха" каймана аты менен таанымал кримавторитет 1979-жылы туулган Алтынбек Ибраимов ИИМге чакыртылды. Ага карата профилактикалык иштерди жүргүзүп андан соң кетиришкенин ИИМдин басма сөз кызматынан кабарлашкан.

Профилактикалык иштерди жүргүзүү учурундагы баарлашуу социалдык тармактарда тарады. ИИМдин кызматкери Алтынбек Ибраимовдон өзү жөнүндө айтып берүүсүн суранды.

"Менин атым Алтуха, Алтуха болом" деген кримавторитет Алтынбек Ибраимов.

"Алтуха, мен сагы бир нерсе айтам. Балким, келечекте кылмыш дүйнөсүндө кимдир бирөө болууну каалайсың. Мен "мыйзамдуу ууру болом" дегениңди уктум эле. Бирок дагы бир нерсени эске түйүп коюу кажет. Кыргыз өлкөсүндө уюшкан кылмыштуу топко каршы күрөш жүрөт. Бул тууралуу ойлонушуң зарыл. Кыргыз өлкөсү - уюшкан кылмыштуу топко каршы. Мындай эми болбойт. Качан биз, ИИМдин кызматкерлери болгондо уюшкан кылмыштуу топ баш көтөрбөйт", - деген олуттуу үн менен милиция кызматкери.

"Маселе жок" деп жооп берген кримтөбөл.