Орусияда көп кабаттуу үйдөн чыккан өрттөн 8 адам каза болду

Орусиянын Екатеринбург шаарындагы турак үйдөн чыккан өрттөн 8 адам каза болду. Бул тууралуу аталган өлкөнүн басылмалары жазып чыгышты.

Маалыматка ылайык, 12-январга караган түнү саат 3:00дө Екатеринбург шаарынын Рассветная көчөсүндөгү 9 кабаттуу үйдөн өрт чыгып, 8 адам каза болду. Өрт өчүрүүчүлөр окуя болгон жерге бир нече мүнөттөн кийин келип, жашоочуларды эвакуациялашкан.

Орусиянын Өзгөчө кырдаалдар министрлигинин маалыматы боюнча, куткаруучулар күйүп жаткан батирден 5 адамды, анын ичинде бир баланы алып чыгып, дарыгерлерге өткөрүп беришкен. Жалпы 90 адам кире бериштен эвакуацияланган. Өрт болгон жерден көптөгөн тамекинин калдыктары табылган.