Абхазиянын президенти Аслан Бжания коронавирустан айыкты

Абхазиянын президенти Аслан Бжания коронавирус илдетинен айыгып, жакында жумушуна кайтып келет. Бул тууралуу чет элдик басылмалар жазып чыгышты.

Жазылган маалыматка ылайык, Абхазиянын президенти Аслан Бжани 8-январда инфекция боюнча эки жолу ПЦР-анализин тапшырып, 12-январда терс жыйынтыктарды алган. Дарыгерлердин сунушу менен өлкө башчы
толук калыбына келүү үчүн дагы бир нече күн дистанциялык режимде иштей берет.

"Президент Бжания коронавирус инфекциясы жөнүндө 27-декабрда билген. Ал вирустун жеңил түрүнө чалдыккан. Саясатчы амбулатордук дарылануудан өтүп, өлкөнү алыстан башкарууну уланткан", - деп жазылат маалыматта.