Кытай COVID-19дун жаңы жугуштуу түрүнүн ылдамдыгы жогорулагандыгын жарыялады

Алдын-ала изилдөөлөргө ылайык, COVID-19дун жаңы мутацияланган жугуштуу түрү 10дон 70 пайызга чейин адамдарда жугуу көрсөткүчү жогорулаганын Кытайдын оорулардын көзөмөлдөө жана алдын-алуу борборунун жетекчисинин орун басары Фэн Цзыцзянь билдиргенин чет элдик маалымат булактары жазып чыгышты.

Ага ылайык, акыркы убактагы коронавирустун мутацияланган түрүн изилдөөлөрдө анын жугуштуулугу жогорулагандыгы байкалган. Анда 10 пайыздан 70 пайызга чейин жогорулаган.

"Коронавирустун жаңы мутацияланган түрү Европада, өзгөчө Улуу Британияда. Аталган өлкөлөрдө салыштырмалуу абал оор", - деген Фэн Цзыцзянь.

Цзыцзянь кошумчалагандай, үй-бүлөлөрдө ооругандардын саны көбөйгөнү байкалган.

Буга чейин, декабрь айынын аягында Улуу Британиянын бийлиги өлкөдө аныкталган коронавирустун жаңы түрү демейдегиден 70 пайызга көп жугуштуу болушу мүмкүн экендигин айтып, калктан андан этият болууну талап кылганы айтылган.