"Кантип?". Tesla автоунаасы бош көрүстөндө адамдын жүргөнүн байкады (видео)

Американын белгилүү Tesla компаниясы чыгарган автоунаа бош көрүстөндөрдүн биринде адамдын жүргөнүн байкады. Мындай видео социалдык тармактарга тарап учурда кызуу талкууга алынууда.

Жарыяланган видеодо унаанын айдоочусу унаанын борттогу компьютерин тасмага тартып жатат. Кандайдыр бир учурда кагылышуудан сактануунун электрондук тутуму монитордо адамдын машинанын жанында турганын көрсөтөт. Кырдаалдын ишенимдүүлүгүн тастыктоо үчүн айдоочу айланасындагы кырдаалды дагы тарткан. Бир нече убакыттан кийин табышмактуу сөлөкөт унаадан кескин алыстап, радардан көрүнбөй калды.

Бул видео учурда интернет айдыңында кызуу талкууга алынууда. Көпчүлүк Илон Маск чыгарган бул унаанын электрондук тутуму иштебей калган деп божомолдошууда.